Ажилдаа өмсөх хөлд эвтэйхэн гутал авах гэж амралтынхаа энэ өдөр дэлгүүр явлаа...  гадаа жоохон сэрүүхэн...тэнгэр бүүдгэр...намрын төгсгөл өвөлийн эхийг санагдуулсан шаралж гандсан олон навчис салхинд туугдан хөлд хөглөрнө... би өөрөө их өөдрөг сэтгэлтэй охин биш бол аль хэзээний гэртээ буцаж ороод биеэ эвхээд гуниглаж суумаар тийм л өдөр байлаа... аз болоход би их өөдрөг юм... хэдийгээр уйтгарлаж сэтгэл минь ганцаардаж байдагч би чинь тэр л инээд хөөр гэрэл гэгээ цацарааж явдаг Мишээл шүү дээ... Ганцаардсан сэтгэлээ тээсэнч инээмсэглэсээр олны дунд орлоо... зорилго нь гутал авах гэж хэхэхэ...

Дэлгүүрт ороод би хашгирсан... дуу алдсан... хөшсөн... эсвэл баярласны аль нь бүү мэд... ямар үед хүнд тийм сэтгэгдэл төрдөгийг би хэлж мэдэхгүй нь... баярлах харамсах сэтгэл зэрэг мэдрэгдсэн болоод ч тэр үү...

яг л үлгэрт гардаг шиг томоос том гацуурыг дэлгүүрийн зааланд засчихсан байлаа... 3н давхараас доошоо бас дээшээ харахад газараас тааз хүртэл сүндэрлэх тэр гацуур үнэхээр гайхалтай...ямар гоё чимэглэсэн байсан гээ... олон өнгийн жижигхэн гэрэл... гоёмсог хайрцагтай баярын бэлэг...мэдээж хөөрхөн бөмбөлөг... миний хамгийн дуртай баяр ойртон ирсэнийг тэгэхэд л анзаарлаа...

би шинэ жилийн үдэш хайрттайгаа хамтдаа жижигхэн байсан ч хамаагүй гацуур мод засч чамин жижиг тоглоомуудаар чимэглэхсэн гэж хүсдэг байлаа...оргилуун дарсаа хамт задалж ирж байгаа шинэ оны хамгийн сайхан бүхнийг 2 биендээ хүсч суухсан гэж мөрөөддөг байлаа... олон өнгийн салютыг хамтдаа буудуулж гадаах хүйтэнд жиндсэн хацараа гарт нь илбүүлэн дулаацахсан гэж хүсдэг байлаа...

өнөөдрийн гацуур сэтгэлийг минь тэгж их баярлуулсан хэдий ч уйтгартай ганцаардмал амьдралыг минь улам ч ихээр сануулсан даа...

удахгүй болох шинэ жилийн гайхалтай баяр...хүсэн хүлээж байгаа тэр л цас...тэр л гацуур мод... олон өнгийн гэрэл...бас хайрттай хэлэх тэр л сайхан хүсэл... гэтэл хаана байгаа юм бол доо тэр миний сэтгэлийн нандин хүн... бодолдоо төсөөлсөн тэр нэгэн хаана байгаа юм болдоо...

айлын цонхонд гадаа гудманд байх олон янзын гацуурыг зүгээр л хараад дэргэдүүр нь өнгөрмөөргүй байна.... ганцхан өөртөө зориулж бэлэг авмааргүй байна... оргилуун дарсны ганц хундага барьж орь ганцаараа тэр үдэш баймааргүй байна... будрах цасанд ганцаараа алхмааргүй байна... баярын өдөр би ганцаараа уйлж суумааргүй байна...

өвлийн өвгөн хүүхдийн хүслийг биелүүлдэг гэж би багадаа ихэд итгэдэг байлаа... өнөөдөр би харин ганцаардсанаасаа болоод үлгэрт хүртэл итгээд л сууж байна... тэссэнгүй ээ би өвлийн өвгөнд захиа бичлээ..."тэр нэгэн сайн залуутай учруулж өгөөч гэж..." жижигхэн цаасан дээр ингэж бичээд чин сэтгэлээсээ шинэ он гарахаас өнмө шүү гэж нэмж залбираад сүрлэг гацуурын өлмийд эвхсэн захиагаа үлдээгээд... сүүрс алдсаар гэрийн зүг алхлаа...

хэрвээ би өөдрөг нэгэн байгаагүйсэн бол... гэртээ шууд ирээд уйлж суумаар уйтгартай өдөр байлаа... гэсэн хэдий ч сэтгэл минь хөнгөхөн гуниглаж би ганцаардалаа дахиад л мэдэрч байна... гадаа гарья даа ядаж агаар амьсгалж тайтгарья